Rosseland såg ut til å gå mot ein kontrollert heimesiger mot Frøyland laurdag.
Etter at Svein Arne Monsen hadde gitt heimelaget leiinga på straffe og Morten Karlson hadde sett ballen i eige mål, var det lite som tyda på at Frøyland skulle få noko ut av kampen.
Men i løpet av det siste kvarteret rota dei oransje det til for seg sjølv.
Anders Haugen fekk plass og tid åtte minutt før full tid, og sette gjestenes første sjanse i andre omgang under Sem Bergene.
Dei neste ti minutta bølga spelet utan at laga kom til store sjansar. Begge lag gjorde mange bytter og kampen og posisjoneringa til fleire av spelarane var ikkje av beste sort. På overtid flytta Frøyland fram fleire i angrep og fekk betalt i form av dødballer.
Fire minutt på overtid vart det og tellende resultat då Morten Karlson gjorde opp for sjølvmålet. Ganske åleine på bakre stolpe heada han i rett mål til stor begeistring for dei kvite frå andre sida av vatnet. |