Sjukdom, skader, jobb og eksamensførebuingar gjorde at Kai Ove Stokkeland måtte stokka om på planane til årets første bortekamp i nordfylket.
Nykomar Andreas Ueland er best kjent som robust midtstoppar, men vart sett opp som midtspiss i Sondre Hovlands fråver.
Ueland svei den første sjansen etter 40 sekund, men slo kraftig tilbake.
På 17 minutt scora debutanten ekte hattrick frå det 28. til det 45. minuttet. Etter pause la han på til 0-4 og var nær både fem og seks scoringar før kreftene tok slutt i den første kampen sidan november. Ueland var ikkje åleine om bragda. Einar Tunheim Lye var i kjempeslag på den gode grasbanen på Avaldsnes og fora Ueland gjennom heile kampen saman med Anders Hognestad, Vetle Apneseth og Imre Aune.
Dei to sistnevnte tegna seg begge på scoringslista då firemålsscoraren takka av. Vetle Apneseth skora eit, Imre Aune kriga inn to.
Avaldsnes fekk eit trøystemål, men var i realiteten sjanselause mot eit for dagen leikent RBK-lag.
Assistenttrener Paul Ove Laland fekk seg nokre minutt på slutten, då han kom inn til sin første seriekamp sidan 2019. |