Omlag 200 tilskodarar hadde møtt fram i det fine veret og dei fekk sjå to lag som i tillegg til prestisjen hadde plassen i den nye kretsserien (4. divisjon) å spele om. Rosseland ville mest og tok etter kvart initiativet mot det unge klepplaget. Preben Stangeland måtte ut med skade etter ein halvtime, heimelaget utnytta overtalet godt. Hans Undheim dundra ballen i mål bak Fredrik Vigre før Klepp rakk å bytta inn ny spelar. Rosseland var klart best etter dette og det var fullt fortent då banens einar, Kristian H. Magnusson, dobla etter flott angrepsspel.
Klepp sette inn skadeplaga Simen Hella Andresen etter pause og vart med eit farlegare framover. Innbyttaren trudde han hadde redusert ni minutt ut i den andre omgangen, men ein kjemperedning av Kristian Monsen stoppa Klepp. Dei grøne stressa Rosseland ein periode og var nær scoring ved fleire høve. Då Even Sel kom inn og stabiliserte midtbana vart det mindre Klepp-press og klokka tikka mot Rosseland siger. Gjestene flytta fram Hugo Waaland og etterlet seg store rom for Rosseland-angriparane å boltra seg i. Are Gabriel Høyland fekk æren av å setja inn 3-0 på overtid, Rosseland sin største siger over Klepp sidan 1999-sesongen! |